上個星期五放工之後，

就同謝信係銅鑼灣行街‧當我哋行入Sogo時，不期然行入咗男裝內衣部，發現原來多咗好多時裝名牌推出了男裝undi，而款式是很簡單大部份設計的重點就是在褲頭的橡筋位印上大大個名牌的全寫或 "Logo"， 而價錢也要過百一條，但銷量好像也不錯，呢啲大概就係所謂嘅名牌效應。我哋行行吓到咗“Ｈ“字頭的名牌內褲的櫃位，呢個牌子專門做男裝undi 而他們嘅內褲係以舒服聞名，加上近來推出好多不同布料及多花樣的內褲，不但受到“直佬”歡迎更受到不少“姿整男”的愛戴。

就係我哋睇緊ＤUndi 嘅時候，有個sales行埋嚟Sell我哋話買滿＄１０００，就可以獲贈禮品一份，

我哋就好奇問：有咩贈品送呀？

個sales就指住份贈品的sample答我哋：可以獲贈旅行裝特別版萬能插蘇一個，萬能插蘇??  聽完之後我的反應就只有"Ｏ"咀，而謝信亦回應我一個”Nike”眉的表情，大家感到好奇怪，然後互望不停地笑。

Hee...Hee..買花巧嘅男裝內褲竟然送萬能插蘇…..？點都諗唔到呢兩樣嘢會扯上關係，細想又好似有點有..........？ 但確是令人腦海中閃過一啲心邪嘅嘢，買男裝內褲送萬能插蘇究竟呢隻牌子想表達Ｄ乜嘢呢？諗呢個贈品idea的人真係鬼馬！